Барча ишлаб чикарувчи ва етказиб берувчи хўжалик юритувчи субъектларга
Ўзбекистон Республикаси Соғлиқни сақлаш вазирлиги ишчи органи «O’zmedimpeks» МЧЖ томонидан 1 ва 2-иловалар асосида тиббий асбоб-ускуна ва жиҳозларни харид қилиш режалаштирилмоқда.
Юқоридагиларни ҳисобга олган ҳолда, шунингдек тиббий асбоб-ускуна ва жиҳозларни сотиб олиш бюджетини аниқлаш ва дастлабки техник кўрсаткичларини аниқлаш мақсадида, Сизлардан кўрсатилган тиббий асбоб-ускуна ва жиҳозларнинг ҳар бир техник кўрсаткичлари бўйича аниқ (кўрсатмалар, каталоглар, брошюралар ва бошқалар) таклифларни иловада келтирилган техник мувофиқлик жадвалини тўлдирган ҳолда ўз тижорат таклифингизни 2023 йилнинг 7 апрелига қадар info@uzmedimpex.uz электрон почта манзилига юборишингизни сўраймиз.
Тўлов шартлари: маҳаллий етказиб берувчиларга Ўзбекистон Республикаси қонунчилигида белгиланган тартибда, хорижий етказиб берувчиларга эса - 100 фоизли аккредитив шарти асосида тўлов амалга оширилади.
